Tikus puru loyang
Co lia tu tikus dang
suka skali U-dang
salalu kaluar kandang
sama deng strika cari dandang
ba pancuri dari pa orang-orang
biar busu yang penting makang
mo tebus puru so ba utang
nyanda parduli deng tamang
biar dong pe badan kolintang
yang penting nama bobou pondang
biar so salah jalang
baku ambe mo ba tahang
dari pagi sampe malang
nyanda brenti ba malawang
badan kacil mar puru loyang
nyanda perna puas deng ikang ayang
sasadiki kurang pi ba timbang
biar banyak yang mangaong
dia cuma cuek akang
lebe bae cari kunang-kunang
daripada dia cuma ja ba ilang
pigi pulang
nda ba bilang
kurang mujur jadi santang.
Jangang Bekeng Ubi Jalar
Pamarenta memang ba kuasa
mar jangan sok ba takhta
bekeng apa yang dong suka
tambung kekuasaan
kase lumpuh kebebasan
rante orang pe pikiran
Dorang baku kase selamat
pake alas emplop
Dorang baku kase jatung
karna alas jabatan
Apa ini pamarenta yang arif?
Ato depe bangsa yang nyanda parduli?
Apa ini musti kase ba karat?
So banyak kali ganti ujung daong
Mar kiapa masi ba gantong
Pa korupsi pe kurang ngajar
Nda seharusnya torang bekeng ubi jalar
Tidak ada komentar:
Posting Komentar